«Әділдік және Өркендеу» қоғамдық қоры мен «Қазақ тағамтану академиясы» ЖШС арасында мектептегі тамақтану сапасын жақсартуға бағытталған меморандумға қол қойылды. Құжатқа қордың Алматы филиалының басшысы Мирас Байсеитов пен Академия президенті Алмаз Шарман қол қойды, деп хабарлайды aqshamnews.kz
Меморандум аясында мынадай бағыттарда бірлескен жұмыстар жоспарлануда:
Мектептердегі тамақтану сапасын бағалау үшін мониторингтік сапарлар ұйымдастыру;
Сарапшыларды тарта отырып, талдау жүргізу және ұсыныстар әзірлеу;
Мониторинг нәтижелері мен ұсыныстарды қамтитын қорытынды есеп дайындау;
Тамақтану сапасын арттыру бойынша семинарлар мен іс-шаралар өткізу;
Мектептерге арналған тамақтану стандарттарын әзірлеу.
Қол қою рәсімінен кейін тараптар жоба бойынша ынтымақтастықтың басым бағыттарын талқылап, сапалы әрі қауіпсіз тамақтануды қамтамасыз ету арқылы оқушылардың денсаулығын жақсарту мәселелерін талқылады.
Бұл бастама мектеп оқушыларының денсаулығы мен әл-ауқатын нығайтуға үлес қосады.