Сенат кулуарында бірінші вице-министрі Майра Мелдебекова мектептерде ұялы телефондарды пайдалану заңмен тыйым салынғанын, ал бұл талапты бұзған жағдайда ата-аналарға айыппұл салынуы мүмкін екенін айтты, деп хабарлайды Aqshamnews.kz тілшісі.
Вице-министрдің айтуынша, жауапкершілік толықтай ата-аналарға жүктеледі.
"Білім туралы заңда оқу процесінде ұялы телефон пайдалануға болмайтыны нақты жазылған. Әкімшілік жауапкершілік Кодекстің 409-бабында қарастырылған. Егер бұзу бірінші рет анықталса – ескерту беріледі, қайталанса – айыппұл салынады", – деді Мелдебекова.
Министрлік өкілі атап өткендей, 2025 жылы ата-аналарға салынатын айыппұл көлемі 5 айлық есептік көрсеткішке дейін, яғни 19 660 теңгеге жетуі мүмкін.
Журналистердің «Ата-аналарға айыппұл салу фактілері болды ма?» деген сұрағына вице-министр:
"Әзірге ондай дерек тіркелген жоқ", – деп жауап берді.