Бүгін Алматы қалалық Білім басқармасының мамандары мектепке дейінгі білім беру басқармасымен бірлесіп «№1 бөбекжай-балабақша» базасында қала педагогтарына арналған әдістемелік семинар өтті, деп хабарлайды aqshamnews.kz.
Ұйымдастырушылар атап өткендей семинар педагогтері өзіне-өзі қызмет ету арқылы балаларды мектеп өміріне дайындауға көмектеседі.
«Балалар тамақтарын өздері құйып, орындарына апарып, тамақтанады. Содан кейін өздері жинайды. Тәрбиешілер тамақ мөлшерін, үстелге апару кезінде балалардың бір-бірімен соқтығысып қалмауын ғана бақылайды. Жапондық әдісті енгізу балалардың ата-анасының келісімімен іске асырылады. Әрине, өз кезегінде бұл әдіс балалардың біршама тәуелсіз болуына мүмкіндік береді», - деп бөлісті «№1 бөбекжай-балабақшасының» меңгерушісі Қарабалаева Қымбат Әлімбайқызы.
Айту керек, педагогтар арасында тәжірибе алмасу мақсатында ұйымдастырылған іс-шара құзыреттілік орталығының жол картасы мен жоспарын жүзеге асыру жобасы аясында өткізілді. Семинарға Алматы қаласы Білім басқармасының мектепке дейінгі тәрбие және тәрбие бөлімінің басшысы мен мамандары, мектепке дейінгі ресурс орталығының басшылары және балабақша меңгерушілері мен педагогтары қатысты.