Биыл мектеп асханалары мәселесі көп сөз болды.
Денсаулық сақтау министрінің бірінші орынбасары Тимур Сұлтанғазиевтің айтуынша, барлық мектепте жаңа ас мәзірі осы жылдың соңына дейін бекітілуі көзделген, деп хабарлайды aqshamnews.kz
Қазір денсаулық сақтау министрлігі ЮНИСЕФ және ұлттық тамақтану академиясымен бірге мектеп оқушыларын тамақтандыру стандарттарын қайта қарап жатыр.
«Осы уақытқа дейін мектеп асханаларына мониторинг жүргізілді. Соның нәтижесінде 840 білім ошағында сан алуан тәртіп бұзушылық анықталды, 24 лауазымды тұлға түрлі әкімшілік жауапкершілікке тартылды, 6 дерек бойынша материалдар прокуратураға жіберілді»,-деді Сұлтанғазиев.