Шаһардағы жағдай тұрақты және бақылауда.
Алматы қалалық полиция департаменті өткен мереке күндерінде криминогендік жағдайдың тұрақты болғанын айтты, деп хабарлайды Almaty-akshamy.kz.
Бұрын хабарланғандай, 2022 жылдың 25 желтоқсанынан бастап қалада «Құқықтық тәртіп» жедел алдын алу іс-шарасы өткізілді.
ПД қызметтері мен бөлімшелерінің жеке құрамдары күшейтілген қызметке ауыстырылды.
Патрульдік полиция жасақтары күшейтілді, жаяу патрульдік бағыттар әзірленді.
Азаматтардың жаппай болатын нысандарына, сондай-ақ мерекелік және ойын-сауық шараларын өткізуге арналған орындарға ерекше назар аударылды.
Қабылданған шаралардың нәтижесінде ауыр және аса ауыр қылмыстардың алдын алуға мүмкіндік туды.
Негізінен бөтеннің мүлкін ұрлау басым болды.
31 желтоқсан мен 3 қаңтар аралығында қалада 30 бөтеннің мүлкін ұрлау дерегі тіркеліп, оның 24-і «ізін суытпай» және жедел тергеу барысында ашылды.
Сонымен қатар, бұл күндері қалада 2 бұзақылық, 1 тонау орын алды. Күдіктілер қылмыс орнында ұсталды.
Сондай-ақ, 2 есірткі қылмысы анықталды.
Жалпы, қаладағы жағдай тұрақты және бақылауда.