Қазақстандық студенттерге биылғы алғашқы мемлекеттік стипендия қазанда, оқу орындарының есептері тексерілгеннен кейін беріледі, деп хабарлайды aqshamnews.kz «Қаржы орталығы» АҚ сілтеме жасап.
«2024-2025 оқу жылының бірінші семестрінде бірінші курс студенттеріне қыркүйек айына арналған стипендия қазан айында, 30 қыркүйектегі оқу орындарының есептерін тексергеннен кейін төленеді», – делінген хабарламада.
Медициналық университеттердің бірінші курс студенттері қыркүйек пен қазан айларының стипендиясын бірге, қазанның соңына қарай алады. Ал, жоғары курстардың студенттеріне стипендия уақытында, қазан айының соңына дейін аударылады.