Алматының Медеу ауданында көпқабатты тұрғын үйлердің қасбетін жаңарту және сәулеттік жарықтандыру орнату жұмыстары жүріп жатыр. Жоба маусым айында басталған, бүгінде ауданның келбеті айтарлықтай өзгеріп келеді.
Бірінші рет тұрғын үйлерге заманауи жарықтандыру орнатылды. Қазіргі таңда 11 үйдің қасбеті жаңартылып, жылы түсті 1 419 сызықтық шам қойылды. Олар ғимараттардың сәулеттік сызықтарын айқындап, аулаларды кешкі уақытта жайлы әрі тартымды етіп көрсетеді.
Жалпы жобаға 67 үй енгізілген. Бүгінде 12 нысанда жұмыс толық аяқталды, ал келесі аптада тағы 13 үйде жұмыс аяқталады. Қалған үйлерде жұмыс жоспарға сай жалғасып отыр.
Алматылықтар жаңарған қасбеттер мен жарық беру ауданның қазіргі заманғы бейнесін қалыптастырып, аумақтың көркемдігі тұрғындар үшін жайлы болғанын айтады.
