Француз шабуылшысы Килиан Мбаппенің голдық сериясы мадридтік "Реал" сапында бес ойынға жетті. Жалпы, жаңа клубы үшін ол жеті гол салып, бір нәтижелі паспен көзге түсті.
Кезекті рет француз шабуылшысы 25 қыркүйекке қараған түні "Алавеске" қарсы өткен Ла Лиганың 7-ші туры аясындағы матчта гол соғып, өзінің шеберлігін тағы да көрсетті. Бұл жолы ол жұлдызды серіктесі, ағылшын ойыншысы Джуд Беллингемнің дәл пасын сәтті пайдаланды.
Осылайша, Мбаппе Испания чемпионатындағы қатарынан бесінші ойында гол соғып, үздік сұрмергендер тізімінде екінші орынға жайғасты. Оны тек "Барселона" шабуылшысы Роберт Левандовски ғана басып озды, оның есебінде алты гол бар. "Алавеске" қарсы матч Мбаппенің "Реал" сапындағы тоғызыншы ойыны болды, осы уақыт ішінде ол 7+1 нәтижелік көрсеткішке ие. Соңғы жеңісті матчта Килиан денсаулығына байланысты 80-минутта ауыстырылды, ол алдағы күндері медициналық тексеру өтеді.
Килиан Мбаппе өзінің алғашқы Ла Лигадағы голдарын 1 қыркүйекте "Бетис" қақпасына екі рет соғып, (2:0) клубқа жеңіс сыйлаған еді.
Айта кетейік, атақты француз шабуылшысы жаңа клубында алғашқы ойынын 14 тамызда өткізіп, бірден алғашқы жүлдесін - УЕФА Суперкубогын иеленді.