Алматы қаласы аумақтық сайлау комиссиясының отырысында 2026 жылғы 29 қарашаға тағайындалған Алматы қаласы мәслихаты депутаттарының кезектен тыс сайлауын әзірлеу мен өткізу жөніндегі негізгі іс-шаралардың күнтізбелік жоспары бекітілді, – деп хабарлайды aqshamnews.kz тілшісі.
Алматы қаласы аумақтық сайлау комиссиясының төрағасы Айгүл Қалықованың айтуынша, Астана, облыстар және республикалық маңызы бар қалалар мәслихаттарының депутаттары аралас сайлау жүйесі бойынша сайланады. Яғни, біртұтас аумақтық сайлау округінің аумағы бойынша пропорционалды өкілдік ету жүйесі бойынша — депутаттардың жартысы, сондай-ақ бірмандаттық аумақтық сайлау округтері бойынша екінші жартысы сайланады. Жалпы Алматы қаласының мәслихатына 42 депутат сайланады.
- «Қазақстан Республикасындағы сайлау туралы» Қазақстан Республикасы Конституциялық заңының 103-бабына сәйкес, мәслихат депутаттығына кандидаттарды партиялық тізім бойынша ұсыну құқығы тек саяси партияларға тиесілі. Партиялық тізімді ұсыну Алматы қаласының аумақтық сайлау комиссиясы арқылы жүзеге асырылады. Сонымен қатар кандидаттар қатар бірмандаттық аумақтық сайлау округтері бойынша да ұсынылуы мүмкін. Алматы қаласында осындай 21 сайлау округі бар, - деді Айгүл Қалықова.
Сонымен қатар ол кандидаттарды ұсыну құқығына саяси бірлестіктер, партиялар, қоғамдық сондай-ақ тиісті өкілеттік жарғысында көзделген жағдайда олардың бөлек, құрылымдық бөлімшелері ие екенін атап өтті. Бұдан бөлек азамат өзін-өзі ұсыну тәртібімен кандидат ретінде ұсыныла алады.
Күнтізбелік жоспарға сәйкес кандидаттарды ұсыну 2026 жылғы 14 қазанда басталып, 27 қазанда сағат 18:00-де аяқталады. Аумақтық округтік және комиссиялары өз жұмысына кірісті.