Марокколық сарапшы Мохамед Факири Қазақстанның жаңа Конституциясы жобасын елдегі демократиялық институттарды нығайтуға бағытталған маңызды қадам деп бағалады, – деп хабарлайды aqshamnews.kz тілшісі.
Оның пікірінше, ұсынылып отырған реформалар азаматтардың мемлекеттік басқаруға қатысуын кеңейтіп, саяси жүйенің тұрақтылығын арттыруға мүмкіндік береді.
Мохамед Факиридің айтуынша, жаңа Конституция жобасында адам құқықтарын қорғау мен мемлекеттік басқару жүйесін жаңғыртуға ерекше көңіл бөлінген. Сарапшы бұл өзгерістер қоғам мен мемлекет арасындағы сенімді нығайтуға ықпал ететінін атап өтті.
Ол әсіресе Халық Кеңесін құру және бір палаталы парламентке көшу бастамаларын маңызды қадам ретінде бағалайды. Оның пікірінше, мұндай реформалар саяси шешім қабылдау процесін тиімдірек етіп, азаматтардың мемлекеттік басқаруға қатысу мүмкіндігін кеңейтеді.
