2025 жылғы 6 қыркүйекте сағат 08:05-те ТОО СП «Caspi Bitum» аумағында атмосфералық колоннаға апаратын құбырда өрт шықты, деп хабарлайды Aqshamnews.kz компанияның баспасөз қызметі.
Белгілі болғандай, өрт ошағы сағат 08:32-де кәсіпорынның стационарлық өрт сөндіру жүйесі арқылы толықтай сөндірілген. Локализация жұмыстарына сондай-ақ «Семсер-Өрт Сөндіруші» ЖШС және ТЖД-ның қалалық өрт сөндіру қызметі жұмылдырылды.
Компанияның мәліметінше, төтенше жағдайдан зардап шеккендер мен материалдық шығын жоқ.