Маңғыстауда өлі табылған итбалықтар саны ресми деректерге сәйкес 700-ден асты, деп хабарлайды жергілікті Lada басылымы. Бұл тек балық инспекциясының есепке алған итбалықтары ғана.
Шын мәнінде олардың саны әлдеқайда көп болуы мүмкін, өйткені ауа райының қолайсыздығына байланысты жағаға әлі де өлі итбалықтар шығуда. Өңірде мұндай ауқымды жануарлардың қырылуы бұрын-соңды тіркелмеген.
Өлу себептері әлі де белгісіз: бұған ластану, вирустар, табиғи катаклизмдер, су астында табиғи газдың бөлінуі ықпал етуі мүмкін. Мысалы, 2022 жылы Дағыстанда 2,5 мың итбалықтың өлі табылу жағдайында негізгі себеп ретінде газдың бөлінуі аталған еді.
Бұл жағдайдың қаншалықты маңызды екенін түсіну үшін Каспий итбалықтарының популяциясы соңғы 100 жылда 90 пайызға қысқарғанын атап өткен жөн. Қазіргі уақытта олардың саны шамамен 300 мың деп есептеледі.
Алайда нақты саны белгісіз. Орталық Азия экологиялық зерттеулер институтының (CAIER) "Власть" басылымына хабарлауынша, іс жүзінде итбалықтардың саны 100 мыңға дейін азаюы мүмкін.
Естеріңізге сала кетсек бұған дейін Түпқараған ауданының Баутин аумағында Итбалықтың қырылуына не болғанын жазған болатынбыз.