Маңғыстау облысы полиция департаменті мемлекеттік сатып алулар сайтында жарияланған хабарландыруда тапсырысқа жасалып жатқан сағаттың қандай болу керектігін жазылған, деп хабарлайды aqshamnews.kz.
«Механизм - жапон/щвейцариялықтан жаман емес. Механизмнің түрі - кварц. Сырты PVD Gold, яғни алтын жалатылған (титан нитрид + 10 микрон алтын). Артқы қақпағы тот баспайтын болаттан жасалған. Шынысы - минералды, сызаттарға төзімді. Су өткізбейтін - кем дегенде 5 АТМ. Шаң/ылғалға төзімді. ( ... ) Циферблат – ақ эмаль, дөңгелек, диаметрі кемінде 30 мм, өріс өндірушінің жазулары мен эмблемаларынан таза. Бауы: аллергияға қарсы жабыны бар былғарыдан, қара/қоңыр жіптермен тігілген», - делінген хабарламада.
Маңғыстау облысы полиция департаменті бұл сағаттарды (180 дана) мереке күндері құқық қорғау органдарының құрметті қызметкерлері мен ардагерлеріне берілетінін мәлімдеді. Айтуынша, тапсырыс берілген сағаттарда айтарлықтай ешқандай ерекшелік жоқ.