Қазақстанда ауылдың ішінде мал жүрсе 40 мың теңге айыппұл салынып жатыр, деп хабарлайды aqshamnews.kz
Ұлысмедиа порталының мәліметінше, Ақтөбе облысы Талдысай ауылының тұрғындары айыппұлдан құтыла алмай отырмыз дейді.
- Онда ауылда не үшін тұрамыз? Қаладан неге үй алып кетіп қалмаймыз? Осы жерде мал ұстау үшін, таза қолдан шыққан ет, сүтімізді ішкіміз келеді. Малдың бәрін ауылдың шетіне апарып, бақташыларға береміз. Өткен жолы жылқыларымды бақташыларға бердім. Әр басына 5 мың теңгеден төлеймін. Ал зейнетақым аз, 55-ақ мың, – дейді ауыл тұрғыны.
Талдысай ауылында 1977 жылдан бері тұратын Роза есімді тұрғынның сөзінше, мұнда бұрын халық егіншілікпен айналысқан.
- Қазір әрқайсы бөлек шаруа қожалығымен айналысады. Ауылда мәселе көп. Мысалы шөп қымбат. Мал жаятын жер жоқ. Ал мал ауылда жүрсе айыппұл салады. Қазір бір ғана бақташы бар. Бәріміз соған айдаймыз. Әр мал басына ай сайын ақша төлейміз, – дейді тұрғын.
Оның сөзінше, көшеде мал кетіп бара жатса, оны учаскелік полицей көрсе айыппұл салады.