Бұл туралы Африканың ауруларды бақылау және алдын алу орталығының басшысы Жан Касея мәлімдеді.
Африкада маймыл шешегінен қайтыс болғандар саны 1 мыңнан асқан, деп хабарлайды aqshamnews.kz
Оның мәліметінше, соңғы бір аптада осы індеттен 50 адам қайтыс болған. Сондай-ақ ол жағдайдың бақылаудан шығып бара жатқанын айтып, халықаралық серіктестерді көмекке шақырды.
«Біз бұл індетпен күресуді жалғастырып жатырмыз және оның барлық Африка елдеріне таралуын қаламаймыз. Біз тиімді әрекет ету үшін уәделерді нақты қаржылық құралдарға тез айналдыруымыз керек», деді Жан Касея.