Маңғыстау атом-энергетикалық комбинатындағы №1 энергетикалық блокты жөндеу жұмысы аяқталды, деп хабарлайды Almaty -akshamy.kz
Бұл туралы серіктестіктің баспасөз қызметі хабарлады. Блок кеше таңғы төртте қосылып, түстен кейін қуаты 150 мегаватқа жеткізілген. Қазір комбинат өндіріп жатқан қуат 565 мегаватты құрайды. Маңғыстау атом-энергетикалық комбинаты Атырау өңіріне 36 мегаватт қуат бере отырып, облысты электр қуатымен қамтып отыр. Қазір Ақтау қаласы мен өңір тұрғындары электр қуатына толық қосылған. 3 шілдеде МАЭК-тің 1-энергоблогы істен шыққан еді.