Павлодар облысы полиция департаменті бастығының орынбасары Жандос Орымбаев Мәдина Жұмабаеваны Мәскеуде өткен әлемдік додадағы жеңісімен құттықтады, деп хабарлайды ҚР ІІМ
Павлодар қаласы ПБ солтүстік бөлімінің ювеналды полиция инспекторы Мәдина Жұмабаева «Қорғаныс» (самооборона) номинациясында өткен «Достық кубогы – 2025» атты қолма-қол ұрыстан Әлем кубогының кезеңінде алтын медаль жеңіп алды. Бұл жетістік оның жоғары спорттық дайындығы мен жауынгерлік қабілетін айқын көрсетті.
ІІМ мәліметінше, Мәдина спортпен 16 жасынан бастап айналысады. Ол бокстан спорт шеберлігіне кандидат және қолма-қол ұрыс бойынша белсенді жаттығып, түрлі жарыстарда тұрақты түрде жүлделі орындарға ие болып жүр.