Бұл ақша кеңсенің сейфінде тұрған.
Қырғызстанда Бас прокуратураның қызметкері қылмыстық істің заттай айғағы ретінде алынған 740 мың долларды бәске тігіп айырылып қалды, деп хабарлайды Almaty-akshamy.kz 24.kg сайтына сілтеме жасап.
Бас прокуратураның тергеу басқармасының бастығы Рустам Абдурасулов букмекерлік кеңседе бәске тіккен ақша «Керемет банк» ісі бойынша заттай айғақ. Қылмыстық істі Әскери прокуратура тергеп жатыр.
«Бас прокуратураның тексеруінен кейін банк ісі Әскери прокуратураға берілді. Абдурасулов ақшаны жаңа тергеушіге беруі немесе банкте сақтауы керек еді», - делінген сайт таратқан ақпаратта.
Рустам Абдурасулов аса ірі көлемдегі ақшаны жымқырды деген күдікпен кеше ұсталған болатын.