Калифорниядағы орман өрттері қайтадан қауіпті деңгейге жетті. Жаңа толқын Лос-Анджелес маңындағы аудандарды шарпыды. Los Angeles Times дерегіне сүйенсек, өрт Кастаик көлі маңындағы аудандарды қамтып, 31 000 адамды эвакуациялау туралы шешім қабылданды, деп хабарлайды aqshamnews.kz
Ең үлкен өрт ошақтары Пасифик-Палисейдс пен Итон аймақтарында тіркелді. Бұл өрттер 16 187 гектардан астам жерді жойып, 28 адамның өмірін қиды.
Калифорния округінің өртке қарсы қызметінің басшысы Энтони Марроненің айтуынша, өртті сөндіру үшін 4000-нан астам өрт сөндіруші жұмылдырылған.
CNN хабарлауынша, өрт Кастаик көлі маңындағы округтік түрмеге қауіп төндіріп, 4295 адамға дейін сыйымдылығы бар түрмеден 470 тұтқын эвакуацияланды.
Калифорния штатындағы орман өрттері бірнеше аптадан бері тоқтамай, мыңдаған адамдардың өміріне қауіп төндіруде. Құтқару шаралары жалғасып жатыр.