6 қазан күні АЭС салу мәселесіне қатысты референдум кезінде Ливанда сайлау учаскесі болмайды.
Бұл туралы Орталық референдум комиссиясының хатшысы Мұхтар Ерман мәлімдеді, деп хабарлайды aqshamnews.kz.
Себебі елде әскери қақтығыстар орын алып жатыр. Қазақстан аумағынан тысқары жерлерде 73 сайлау учаскесі құрылған, отандастарымыз 61 елде дауыс бере алады.
Мұхтар Ерман, Орталық референдум комиссиясының хатшысы:
- Бүгін ғана Сыртқы істер министрлігімен кеңес өткіздік. Әріптестерімізден Ливандағы дауыс беру учаскесі болмайтыны туралы ақпарат алдық. Бұл елде кең ауқымды әскери қимылдар жүріп жатқаны белгілі. Жағдай өте ауыр, сондықтан азаматтарымыздың өмірі мен денсаулығына қауіп төндіруге болмайды. Сол себепті 61 елде 73 учаске болады, онда учаскелік комиссиялар заң аясында қызметін жүзеге асырады.