Міне, көптен күткен жазғы демалыста басталды. Оқушылар үшін жазғы демалыстың қызыққа толы күндері де әлі алда. Жаз жайнатып, күн күлдіріп, біз лагерьге барамыз, - деп оқу жылы аяқталысымен мектеп оқушылары жазғы лагерьлерге баруға асығады. Жайраңдаған жаздың қуаныш пен шаттыққа толы ұмытылмас естеліктері балалардың осындай жазғы демалыс лагерінен бастау алары сөзсіз.
Алматы қаласы, Әуезов ауданына қарасты № 173 мектеп-лицейде Байымбетова Ляйля Мұхамеджанқызы басшылығымен, оқу-тәрбие процессінің сабақтастығын , балалардың демалысы мен сауықтыруының әртүрлі қажеттігін қамтамасыз ету мақсатында мамыр айының 27.05.- 7.06.24ж аралығында ашылған «Ғажайып әлем» жазғы демалыс лагері өз жұмысын бастап кетті.
Демалушыларға қауіпсіздік ережелері толық таныстырылды. Лагерь топтарына бөлінген кабинеттер санитарлық талапқа сай безендендіріліп, балаларға жайлы жағдай жасалуы ескерілген. Сондай-ақ балалардың саяхаттары мен экскурссияларын сапалы ұйымдастыру қарастырылған. Балалардың өмір қауіпсіздігі мен денсаулығына жауаптылық тәрбиеші ұстаздарға жүктеліп отыр. Мектеп жанынан құрылған жазғы демалыс орнында бүгінде 312 балдырған бос уақыттарын тиімді де көңілді өткізіп жатыр. Олардың ішінде көп балалы және әлеуметтік жағынан аз қамтылған отбасы балаларының қамтылуы басты назарға алынды.
Атап айтсақ «Балдырған» , «Балапан», «Аяла», «Күншуақ», «Айгөлек», «Болашақ», «Құлыншақ», «Балауса» атты топтар құрылып, жетекшілері бекітіліп, жоспар бойынша күнделікті жұмыстары өз деңгейінде көңілді де қызықты өтіп жатқанын айтқым келеді. Сонымен қатар оқушылар арасында әртүрлі ойындар мен іс-шаралар ұйымдастырылды. «Ертегілер әлемінде» , «Жас аспаздар байқауы», «Денсаулық күні», «Суға жүзуді үйренемін», «Қыш құмыра» сияқты өткізілген жұмыстар оқушылардың белсенділіктері мен қызығушылықтарын арттыра түсуде.
Жазғы үлкен үзіліс ұзақ оқу жылынан кейін мектеп оқушыларының денсаулығын бекіту, денесін шынықтыру күш жинауы үшін беріле отырып, келесі оқу жылына сергектікпен оралуына ықпал етеді десек артық айтқандық емес.
Балалар үшін жаз мезгілі өте пайдалы өтуі тиіс. Бұл мезгілде олар өз уақыттарын тиімді пайдаланып, жазғы демалыс орындарына бару арқылы танымдық, тағылымдық тұрғыдан дами алады. Сондықтан жаз мезгілінде осындай жазғы сауықтыру лагері балалардың мүмкіндіктерін одан әрі аша түседі ,- деп айтқым келеді.
