Әлемдік кофе нарығы жыл сайын өсіп келе жатқанымен, әр елдің кофені тұтыну деңгейі өзгеріп отырады.
Жаңа зерттеу бойынша Солтүстік Еуропа мемлекеттері адам басына шаққандағы кофе тұтынудан әлі де көш бастап тұр, - деп хабарлайды Aqshamnews.kz тілшісі.
Cafely компаниясының деректеріне негізделген инфографика 2025 жылы 65 елді жан басына шаққандағы тәуліктік кофе тұтыну көлемі бойынша салыстырады. Нәтижелер әр аймақтағы кофеге деген мүлде өзгеше әдеттерді көрсетеді.
Сурет: naked-science.ru
Люксембург әлемдегі ең көп кофе ішетін ел атанды - бір адам күніне орта есеппен 5,31 кесе кофе тұтынады.
Мұндай көрсеткіштің жоғары болуына елде жұмыс істеп, бірақ көрші мемлекеттерде тұратын "шекарааралық қызметкерлердің" үлесі әсер етіп отыр. Еңбек нарығының 47%-ын осындай жұмысшылар құрайды және олардың күнделікті әдеттері Люксембург статистикасына енгізіледі.
Кофе мәдениетімен танымал Финляндия мен Швеция да алдыңғы қатардан көрінді. Жалпы алғашқы он елдің барлығы — Еуропада орналасқан мемлекеттер.
Ал көлемі үлкен АҚШ, Жапония және Бразилия секілді елдерде кофе жан басына шаққандағы тұтыну бойынша көрсеткіш әлдеқайда төмен.
- АҚШ - күніне 1,22 кесе (24-орын)
- Жапония - күніне 1 кесеге жетпейді
- Бразилия - 1,58 кесе (18-орын)
- Ресей - күніне 0,5 кесе (46-орын)
Рейтингтің соңында шай ішуді жөн көретін елдер орналасқан.
Үндістан – ең төмен көрсеткішке ие: күніне 0,02 кесе. Яғни жеті аптада бір кесе кофе ішумен тең. Африка мен Оңтүстік Азияның бірнеше мемлекеттерінде де кофе тұтыну көлемі өте төмен - күніне 0,3 кеседен аз.
