Аqshamnews.kz редакциясы "Күн саны" айдарында аптаның ең маңызды деректеріне шолу жасады.
3,9 миллион оқушы оқу жылын аяқтайды
Оқу-ағарту министрлігінің мәліметінше, биыл республика бойынша 3,9 миллион оқушы оқу жылын аяқтайды. Оның ішінде 391 мың бала – бастауыш, 364 мыңы – негізгі мектепті, ал 217 мың түлек мектеппен қоштасқалы отыр.
Оқу жылының аяқталуымен, ата-аналар үшін маңызды кезең – жазғы демалысты дұрыс ұйымдастыру басталады. Алматыда 200-ден аса мектеп жанынан жазғы лагерьлер ашылып, балалардың қызықты да пайдалы демалысын қамтамасыз етпек.
Мәдениет және өнер қызметкерлері марапатталды
Алматыда Мәдениет және өнер қызметкерлері күні аталып өтті. Мәдениетті дамытуға үлес қосқан 50-ден аса алматылық мемлекеттік наградаға ие болды.
Травматологтар күні: 240 мың адам емделді
20 мамыр – әлем травматологтары кәсіби мерекесін атап өтетін күн. Бүгінде Қазақстанда 1508 травматолог жұмыс істесе, соның 174-і ауылда еңбек етіп жүр.
2024 жылы 240 мыңнан аса адам жарақат алып, стационарларда емделген.
Азия чемпионатындағы жетістік
Азия чемпионатында Қазақстан спортшылары 22 алтын медаль жеңіп алып, еліміздің намысын биіктен көрсетті. Салыстырмалы түрде 2024 жылы Астанада өткен Азия чемпионатында жастарымыз 11 алтын еншілеген еді.