Аqshamnews.kz редакциясы "Күн саны" айдарында аптаның ең маңызды деректеріне шолу жасады.
Қазақстан - ТМД-дағы ең бейбітсүйгіш мемлекет
Global Peace Index баяндамасының мәліметінше, бейбітсүйгіш елдер рейтингінде Қазақстан 163 елдің ішінде 56-орынға жайғасты.
Баяндама авторларының нұсқасы бойынша, бір жыл ішінде рейтингте бес сатыға көтерілген Қазақстан – ТМД-дағы ең бейбіт ел. Қазақстанға ең жақын орналасқандар - Армения (58-орын), Молдова мен Өзбекстан (тиісінше 66 және 67-орын).
Қазақстандық студенттер III Түркі универсиадасында 23 медаль жеңіп алды
Қырғыз Республикасының Чолпон-Ата қаласында жоғары оқу орындары студенттері арасында III Түркі универсиадасы өтті. Универсиадаға Түркі мемлекеттері ұйымына мүше елдердің студент-спортшылары қатысты. Жарыс волейбол, футзал, үстел теннисі, шахмат, дзюдо, еркін күрес және грек-рим күресі сияқты 7 спорт түрі бойынша өтеді.
Алматыдағы отбасылар саны
Ұлттық статистика бюросының мәліметінше, биыл маусымда 870 неке қиылған. Ал жыл басынан бері 4421 жұп ресми түрде шаңырақ көтерген.
Биылғы статистика:
- қаңтар - 634;
- ақпан - 737;
- наурыз - 677;
- сәуір - 751;
- мамыр - 752;
- маусым - 870.
Айта кетейік, жыл басынан бері жалпы республика бойынша 51370 жұп некеге тұрған.
Кейінгі жылдарды сараласақ:
- 2023 жылы - 13074
- 2024 жылы - 10787 жұп үйленген.
Алматыда алғаш рет отбасын құрғандардың орташа жасы қандай?
- ерлер - 28;
- әйелдер - 26.
Сондай-ақ, қалада отбасын құрғанына 20 жылдан асқан 557 жанұя бар.