Алматыдағы Крылов атындағы балалар кітапханасында этнограф Болат Бопайұлының кітапсөресі ашылды деп хабарлайды Almaty-aqshamy.kz.
18 сәуір күні Крылов атындағы кітапханада «Болат Бопайұлының кітап сөресі» ашылды. Кітап сөресіне этнографтың жеке кітапханасынан және шығармашылығынан 3000 дана кітап қойылды. Олардың басым көпшілігі Ұлт ұстазы Ахмет Байтұрсынұлының жазуындағы кітаптар.
Этнографтың атында кітап сөренің ашылуымен қатар Болат Бопайұлының «Адамзат рухы – қамшы» атты балаларға арналған жаңа кітабының, сондай-ақ, қазақ этнографиясына қатысты 4 жаңа кітабының тұсауы кесіліп, оқырманға жол тартты.
Іс-шараға зиялы қауым өкілдері, БАҚ өкілдері, сондай-ақ, жоғары оқу орындарының студенттері мен кітапсүйер оқырмандар қатысты.
