Шабуылшы бұған дейінгі әлем чемпионаттарында мергендігімен көзге түскен еді
Португалия шабуылшысы әрі капитаны Криштиану Роналду бес әлем чемпионатында гол соққан бірінші ойыншы атанды, деп хабарлайды Almaty-akshamy.kz ҚазАқпаратқа сілтеме жасап.
Қатарда футболдан өтіп жатқан дүниежүзілік додада Португалия мен Гана матчында К.Роналду 65-минутта 11 метрлік айып добын дәл орындады.
Шабуылшы бұған дейін 2006, 2010, 2014 және 2018 жылғы әлем чемпионаттарында мергендігімен көзге түскен еді.
Сонымен қатар Криштиану Португалия ұлттық құрамасы сапындағы 112-інші голын соқты. Бұл жөнінен де әлемде үздік тұр. Оған қоса Еуропа біріншіліктерінде 14 гол соққан ең мерген ойыншы деген атағы тағы бар.
Роналду бұдан бөлек, Португалия - Гана матчының үздік ойыншысы атанды.
Еске сала кетейік, бұдан бұрын Испанияның Коста-Риканы 7:0 есебімен ойсырата жеңгенін, Бельгияның Канада құрамасын қапы қалдырғанын жазған болатынбыз.
Сондай-ақ Испания допты ұстау жөнінен әлем чемпионаттарының рекордын орнатты.
Уругвай мен Оңтүстік Корея тең түсті.
Португалия Гананы ұтып, өз тобында көш бастады.