Қазақстанда Конституцияға қатысты республикалық референдум 15 наурызда өтеді, дауыс беру учаскелері 07:00-ден 20:00-ге дейін жұмыс істейді, деп хабарлайды Aqshamnews.kz тілшісі.
Орталық референдум комиссиясында (Орталық сайлау комиссиясы) алдағы жалпыхалықтық дауыс беруге дайындық пен өткізудің негізгі кезеңдері таныстырылды. Комиссия төрағасының орынбасары Мұхтар Ерманның айтуынша, дауыс беру уақыты аумақтық комиссиялардың шешіміне қарай дауыс берушілерге қолайлы болу үшін өзгеруі мүмкін.
Комиссия мәліметінше, референдум науқанының ұзақтығы – күн белгіленген сәттен бастап дауыс беру күніне дейін 32 күн. Осы кезеңде әкімдіктер дауыс берушілер тізімін бірден жасақтауға кіріседі.
Күнтізбелік жоспар:
-
22 ақпан – дауыс берушілер тізімі әкім қолымен бекітіліп, учаскелерге беріледі және электрон түрде Орталық комиссияға жолданады;
-
27 ақпаннан бастап – азаматтар учаскелерде тізіммен таныса алады;
-
4 наурызға дейін – учаскелік комиссиялар дауыс беру орны мен уақыты туралы халықты хабардар етеді;
-
14 наурыз – «тыныштық күні» (үгіт тоқтайды);
-
21 наурызға дейін – ресми қорытынды нәтижелер БАҚ-та жарияланады (7 күннен кешіктірмей).
Мұхтар Ерман үгіт-насихат дауыс беру күніне дейінгі тәуліктің 00:00-іне дейін жүргізілетінін атап өтті. Сонымен қатар 15 наурызға жоспарланған референдумға арналған негізгі іс-шаралардың күнтізбелік жоспары әзірленгені айтылды.