Алматы қаласы ҚАЖ департаментінің №11 мекемесінде кәмелетке толмаған жазасын өтеуші жасөспірімдер арасында шахматтан турнир өтті.
Алматы қаласы Спорт басқармасына қарасты №8 олимпиадалық резервтің мамандандырылған балалар-жасөспірімдер мектебінің жетекшісі Светлана Леонидовна, аға тренер Асылхан Қараев, спорт бөлімінің орынбасары Ержан Абдугапаров қатысып, мамандар шахматтан шеберлік сабағын өткізді.
Шахмат – ақыл-ойды дамытатын, ұштай түсетін ең танымды да қызықты спорт ойыны. Бұл ойынға жазасын өтеуші жасөспірімдер қызығушылықпен қатысты.
Шахмат тақтасы үстіндегі тартысты турнир 5 турмен өтті. Жеңімпаз жсөспірімдерге сыйлықтар табыс етілді. Ал №8 олимпиадалық резервтің мамандандырылған балалар-жасөспірімдер мектебінің жетекшісі Светлана Рогозова өздерімен ала келген шахматтарын түзеу мекемесінің балаларына тарту етті.
– Біз шахмат турнирін ұйымдастырып қана қоймай, балаларға бұл спорт түрінің ерекшелігін, шығу тарихын әңгімелеп, дәріс өткіздік. Шахмат ойыны олардың ойлау қабілетін арттырып, сергек, зерделі болуға көмектесетіні сөзсіз, – дейді әділет подполковнигі Алма Бәзілбаева.