Күніне үш реттен артық қоңырау шалмауы керек.
Қаржы нарығын реттеу және дамыту агенттігінің төрағасы Мәдина Әбілқасымов коллекторлар қалай реттеліп жатқанын айтып берді, деп хабарлайды aqshamnews.kz
«Коллекторлық агенттіктер демалыс күндері телефон соғуға құқығы жоқ. Оған тыйым салынған. Екіншіден, жұмыс күндері оларға борышкерге бір күнде үш рет қана қоңырау шалуына рұқсат етіледі. Содан кейін аудио, видео фиксация жасау керек. Егер сізге демалыс күні қоңырау шалып, мазаңызды алса, сіз агенттіктің колл-орталығына хабарласып, шағымдануыңыз керек. Біз тексеріс жүргіземіз. Сосын сол коллекторлық агенттікке қатысты нақты шаралар қабылдаймыз», - деді Әбілқасымова.
Оның айтуынша, заң бұзған коллекторлық агенттіктерге алдымен айыппұл салынады. Егер тағы да қайталанса, коллекторлық компанияның лицензиясы қайтарылады.