Қазақстанда көлікті утилизациялау кезінде көлік иелері ақшалай төлемнің орнына жеңілдік сертификаты алады. Бұл сертификаттың мөлшері көліктің түріне байланысты әртүрлі болады, деп хабарлайды aqshamnews.kz
Мұндай жеңілдіктердің көлік түріне қарай бөлінуі:
- Жеңіл көліктер (М1) – 315 000 теңге
- 5 тоннаға дейінгі микроавтобустар (М2) – 550 000 теңге
- 5 тоннадан астам автобустар (М3) – 750 000 теңге
- 3,5 тоннаға дейінгі жүк көліктері (N1) – 550 000 теңге
- 3,5 тоннадан 12 тоннаға дейінгі жүк көліктері (N2) – 550 000 теңге
- 12 тоннадан астам жүк көліктері (N3) – 750 000 теңге
- Тракторлар – 560 000-ден 1 000 000 теңгеге дейін
- Комбайндар – 1 500 000-ден 2 000 000 теңгеге дейін
Көлікті утилизациялау бағдарламасы ескі көліктерді шығаруға және экологияны қорғауға бағытталған. Жеңілдік сертификаты көлік иелеріне жаңа көлік сатып алуға мүмкіндік береді, сондай-ақ қоршаған ортаның жағдайын жақсартуға ықпал етеді.