Алматыда Наурыз мейрамына арналған мерекелік шараларды ұйымдастыру және өткізу аясында көлік қозғалысына уақытша шектеулер енгізіледі.
Осылайша, 19-23 наурыз аралығында Төле би көшесінің Назарбаев даңғылынан Абылай хан көшесіне дейінгі бөлігі жабылады.
Осыған байланысты аталған кезеңде 10 қоғамдық көлік бағытының қозғалыс сызбасына өзгерістер енгізілді.
Бұл №16, 37, 48, 126, 201, 205, 206, 209, 210 және 224 нөмірлі маршруттар. Астана алаңын шығыс бағытта айналып өту Қабанбай батыр көшесі арқылы, ал батыс бағытта Бөгенбай батыр көшесі арқылы жүзеге асырылады. Сонымен қатар, №16 және №126 маршруттары көрсетілген учаскені Гоголь көшесі арқылы айналып өтеді.
Бұған қоса, 22 наурыз күні сағат 6:00-ден 11:30-ға дейін Назарбаев даңғылынан Достық даңғылына дейінгі Абай даңғылы уақытша жабылады.
Осы шектеулерді ескере отырып, жол бағытыңызды алдын ала жоспарлауды және балама бағыттарды таңдауды сұраймыз.