БҰҰ: Климаттың өзгеруі және қоршаған ортаның ластануы қақтығыстар мен теңсіздікті күшейтті
БҰҰ Адам құқықтары жөніндегі Жоғарғы комиссары Мишель Бачелет ғаламдық жылынуға қарсы күрес аясында теңсіздіктер мен қақтығыстар күшейгенін атап өтті. Чилидің экс-президенті 13 қыркүйекте Женевада БҰҰ Кеңесінің 48-ші сессиясының ашылуында климаттың өзгеруіне баланысты адамзатқа төніп тұрған мәселелер туралы айтты, деп хабарлайды Almaty-akshamy.kz Lenta.ru сілтеме жасап.
Бачелеттің айтуынша, ластану мен биоалуантүрліліктің жоғалуы әлемдегі ең кедей елдердің тұрғындары үшін көптеген қиындық әкеледі. Экологиялық мәселелерге қатысты қақтғыстар адамдардң көптеген саладағы құқығын бұзады, мәселен,тамақтануға, суға, білім алуға, баспанаға, денсаулыққа қатысты көптеген қақын бұзып, миллиондаған адамдардың өміріне қиындық тудырады.
«Ластанудың бір-бірімен баланысты дағдарыстары, климаттың өзгеруі қауіп -қатерді көбейтетін факторға айналады, шиеленістер мен құрылымдық теңсіздікті күшейтеді және адамдардың жағдайын қиындата түседі», - деді Бачелет.
Бұдан бұрын Global Witness атты халықаралық ұйым адам құқығы мен қоршаған ортаны қорғау үшін 2020 жылы өлтірілген белсенділердің санын есептеген болатын. Мұнда бақылауды олар 2012 жылдан бастап жүргізіп келеді. 2020 жылы өлім саны бойынша рекорд орнатылған, заңсыз ағаш кесушілердің, өнеркәсіпшілердің, фермерлердің және басқа да көміртегі көп кәсіптердің қолында азаматтық қоғамның 227 адам құрбан болған.