әдеби-танымдық байқауы өтіп жатыр
Бүгін Алатау ауданындағы креативтік орталықта «Кітап – асыл қазына» деп аталатын әдеби байқау өтіп жатыр. Алматы қалалық Қоғамдық даму орталығы бастамасымен ұйымдастырылған бұл байқауға қаладағы мектептердің жоғары сынып оқушылары мен ЖОО студенттері қатысуда.
Әдеби-танымдық іс-шара қазақ әдебиетінің аса көрнекті тұлғалары - Абай Құнанбаев- 180 жыл, Сапарғали Бегалин- 130 жыл, Сәбит Мұқанов- 125 жыл, Әбу Сәрсенбаев- 120 жыл, Ілияс Есенберлин- 110 жыл, Мәлік Ғабдуллин- 110 жыл мерейтойларына арналған.
Байқауда қазылық етуге белгілі сарапшылар, журналистер, өнер қайраткерлері шақырылыпты.
Мұрат МҰҚАШ, журналистика ардагері, қазылар алқасы мүшесі:
Бүгінгі байқау жан-жақты ұйымдастырылыпты. Бастысы кітап оқитын, оны талдап-талқылауға бейімі бар жоғарғы сынып оқушылары мен университет студенттері келіпті. Оқу бағдарламасынан бөлек, осындай байқау, творчестволық кештер жас буынның өздерінің де шығармашылыққа бет бұруына әсер етері сөзсіз. Шын мәнінде кітап асыл қазына. Кітап оқыған буынның білетіні көп, білімі терең болады .
Гүлшат КӨПТІЛЕУОВА, Абай атындағы республикалық мектеп оқушысы, байқауға қатысушы:
Біз осындай байқаулар арқылы танымдық-тағылымдығымызды кеңейтіп, білетінімізді жетілдіреміз. Әсіресе, шығармашылықпен айналысатындарға мол мүмкіндік. Алматы басшылығы мемлекеттік тілдің өрісін кеңейтетін осындай іс шараларды жиі ұйымдастырса деген тілек бар.
Байқау қорытындысы бойынша жеңімпаздарға арнайы дипломдар, алғыс хаттар, сыйлықтар беріледі.