«Almaty Polytechnic College-нің KIROSHI» командасы Нидерландыдағы халықаралық FTC чемпионатында үлкен жетістіктерге қол жеткізді
Нидерландияның Гаага қаласында робототехника саласындағы ең беделді жарыстардың бірі – FIRST Tech Challenge (FTC) халықаралық чемпионаты өтті. Бұл бірегей шара әлемнің түкпір-түкпірінен келген талантты командаларды жинап, оларды жоғары технологиялық роботтарды жасау, бағдарламалау және басқару бойынша сынға түсті. Қазақстанды бұл чемпионатта Almaty Polytechnic College-нің KIROSHI командасы лайықты түрде танытып, дайындықтың жоғары деңгейін, инновациялық ойлауды және командалық рухты көрсетті.
FIRST Tech Challenge – бұл жай ғана жарыс емес, бұл жас инженерлер мен бағдарламашыларға күрделі техникалық мәселелерді шынайы жағдайларда шешу арқылы өзін көрсетуіне жасалып отырған мүмкіндік. Биылғы жарыс шартына сай, қатысушылар роботтың автоматтандырылған қозғалысын, нысандармен әрекеттесуін және альянс құрамындағы басқа командалармен үйлесімді жұмысын қамтитын бірнеше ойын тапсырмаларын тиімді орындай алатын робот жасауға тиіс болды. Бұл жетістіктер команда мүшелерінің жоғары инженерлік және бағдарламалық дағдыларын, сондай-ақ халықаралық деңгейдегі бәсекелестік жағдайында жұмыс істеу қабілетін көрсетеді. FIRST Tech Challenge халықаралық чемпионаты Almaty Polytechnic College тарихындағы маңызды кезеңдердің біріне айналды. Бұл колледж студенттерінің күрделі инженерлік міндеттерді шеше алатынын және өз елін халықаралық аренада лайықты түрде таныта алатынын тағы бір рет дәлелдеді.