"Сыбайлас жемқорлыққа қарсы іс-қимыл туралы" заңға енгізілетін түзетулерді Сенат бірінші оқылымда мақұлдаған, деп хабарлайды aqshamnews.kz
Қазақстанда мемлекеттік қызметшілерге теңестірілген кейбір лауазымды тұлғаға кәсіпкерлікпен айналысуға қойылған жалпы тыйымды алып тастау жоспарланған.
Десе де, әлі дже шектеулер бар. Ол төмендегі мына қызмет иелеріне тікелей қатысты.
– аумақтық сайлау комиссияларының тұрақты мүшелері;
– Ұлттық банк пен ҚНРДА қызметкерлері;
– азаматтық авиация саласындағы уәкілетті ұйым қызметкерлері;
– ұлттық холдингтер мен ұлттық компаниялардың басшылары.
Тыйым салынатын жағдайлар да нақтыланып отыр. Ол – мүдделер қақтығысы, қызметтік мүлікті жеке мақсатта пайдалану немесе бизнес қызметтің негізгі міндеттерге кедергі келтіруі.
Аталған өзгерістер Конституциялық соттың 2023 жылғы 13 маусымдағы шешімін орындау үшін әзірленген. Ол кезде сот бизнеспен айналысуға толық тыйымды конституцияға сай емес деп таныған еді.