Енді Kaspi.kz қосымшасы арқылы полицияға арызданып, жол-көлік оқиғасы, жол қозғалысы ережелерін бұзу, тұрмыстық зорлық-зомбылық және басқа да оқиғалар туралы хабарлауға болады, деп хабарлайды Aqshamnews.kz тілшісі.
Қызметті пайдалану үшін Kaspi → Мемлекеттік қызметтер сервисі → Заң және тәртіп, осы жердегі тізімнен полицияға хабарлағыңыз келетін нәрсені таңдап, ары қарай қадамдарды орындасаңыз болды.
Банктің негізін қалаушылардың бірі Мизаил Ломтадзе:
"Kaspi.kz суперқосымшасын 15 миллионнан астам қазақстандық пайдаланады. "Мемлекеттік қызметтер" сервисі арқылы біздің сүйікті клиенттеріміз күнделікті көптеген мәселелерін шешеді – жүргізуші куәлігін ауыстыру, көлікті қайта рәсімдеу, цифрлық құжаттарды қолдану, тұрғылықты жері бойынша тіркелу, бала туу туралы куәлік алу және т.б. Азаматтардың қауіпсіздігін арттыру үшін мемлекеттік органдармен бірлесіп, Kaspi.kz қосымшасы арқылы полицияға жедел жүгіну мүмкіндігін іске қостық. Жоба ІІМ, ЦДИАӨМ және Kaspi.kz командаларының үйлесімді жұмысының нәтижесінде жүзеге асты. Мемлекеттік қызметтерді дамыту – бұл біздің әлеуметтік жауапкершілігіміз және коммерциялық емес бастамамыз. Бірлескен күш-жігеріміздің арқасында біз көптеген елдердегі қызметтерден тиімді әрі ыңғайлы онлайн сервистер жасап жатырмыз, бұл қазақстандықтар үшін мақтаныш. Бізге сенім артқаны және мемлекеттік қызметтерді қазақстандықтарға қолжетімді ету мүмкіндігі үшін мемлекеттік органдарға алғыс айтамыз!" деді ол.