Қазақстан қор биржасындағы (KASE) күндізгі сауда қорытындысы бойынша доллардың орташа сараланған бағамы 494,63 теңге болып, 0,13 теңгеге төмендеді, деп хабарлайды Aqshamnews.kz тілшісі.
Ұлттық банктің 6 ақпанға арналған ресми бағамы - 495,10 теңге. Еске салайық, 4 ақпанда сауда нәтижесінде доллар 498,65 теңге болып, бір күнде 4,4 теңгеге арзандаған еді. Осылайша, бағам қайтадан нарықта маңызды саналатын 500 теңгелік “психологиялық межеден” төмен түсті.
Kurs.kz дерегінше, қазір ақша айырбастау орындарындағы орташа бағам:
-
Алматыда: сатып алу — 494,81 тг, сату — 497,40 тг;
-
Астанада: сатып алу — 493,97 тг, сату — 500,97 тг.
Айта кетейік, 23 қаңтарда Ұлттық банк базалық мөлшерлемені 18% деңгейінде сақтап қалды. ҰБ төрағасы Тимур Сүлейменовтің айтуынша, базалық мөлшерлеме алдағы алты ай осы деңгейде қалуы мүмкін, ал инфляциялық қысым бәсеңдемесе, ақша-несие саясатын одан әрі қатаңдату да қарастырылатынын жеткізді.