Камчатка өлкесінде соңғы тәулікте 14 жер асты дүмпуі тіркелді.
Оның бірі елді мекендерде сезілген. Бұл туралы өңірдің Төтенше жағдайлар жөніндегі бас басқармасының баспасөз қызметі мәлімдеді, - деп хабарлайды Aqshamnews.kz.
«Тәулік ішінде магнитудасы 3,5-тен 5,3-ке дейінгі 14 афтершок болды. Елді мекендер аумағында бір жер асты дүмпуі сезілді», делінген хабарламада.
Сонымен қатар өңірде бірнеше жанартаудың белсенділігі жалғасып жатыр. Олардың қатарында Безымянный, Шивелуч, Ключевской, Карымский, Крашенинников және Камбальный жанартаулары бар.
Төтенше жағдайлар қызметі Камчатка тұрғындары мен қонақтарын аталған жанартауларға жақындамауға шақырды.