Алматы қаласында биыл тұрғындар мен қонақтарға ыңғайлы әрі экологиялық көлік жүйесін қалыптастыру бойынша ауқымды жұмыстар жүргізілуде.
Жыл бойы қалада көлік инфрақұрылымын жақсартуға, жолаушылар тасымалын экологияландыруға және жолдардың өткізу қабілетін арттыруға бағытталған бірқатар маңызды жобалар жүзеге асырылды.
Атап айтқанда, 25 шақырым жаңа жол салынды, Құлжа тас жолы 6 жолаққа дейін кеңейтілді, 255 көшедегі 250 шақырым жолға орташа жөндеу жұмыстары жүргізілді, 770 газбен жүретін автобус және 115 электр автобусы сатып алынды.
