Қазақстан экономикасы биылғы қаңтар-маусым айларының қорытындылары бойынша 6,2%-ға жетіп, оң өсімді көрсетіп жатыр. Бұл туралы Үкімет отырысында Премьер-министрдің орынбасары – ұлттық экономика министрі Серік Жұманғарин баяндады, - деп хабарлайды aqshamnews.kz.
Бұл қарқын - алғашқы бес айға қарағанда 0,2%-ға жоғары және кейінгі 14 жылдағы ЖІӨ өсуінің ең жоғары көрсеткіші. Салыстыру үшін, былтырғы ұқсас кезеңінде өсім 3,2% болды.
Экономиканың нақты секторы +8% және қызмет көрсету саласы болды, ол 5,2%-ға өсті. Көлік (+22,7%) және құрылыс (+18,4%) салалары айтарлықтай үлес қосты. Сондай-ақ саудада жандану және тау-кен өнеркәсібінде тұрақты өсу байқалады (+8,4%).Өңдеу секторы 5,5%-ға, ал ауыл шаруашылығы 3,7%-ға өсті.
Бюджет кірісі жоспарлы көрсеткіштерден асып түсті
"Бірінші жартыжылдықта мемлекеттік бюджеттің кірісі 11,4 трлн теңгені құрады, бұл өткен жылдың сәйкес кезеңімен салыстырғанда 118,8%. Бұл салық тәртібі мен Қазақстан экономикасының өсуінің нәтижесі", — деп атап өтті Серік Жұманғарин.