«Жұмысшы мамандықтарының қаласы» фестивалінде қаламыздың намысын қорғап Алматы құрылыс-техникалық колледжінің студенттері мен өндіріс шеберлері «Сантехниктер үйі» мен «Ұсталар үйі» жобасын жасап өз шеберліктерін көрсетуде, деп хабарлайды
Мемлекет басшысы «Жұмысшы мамандықтарының қаласын» аралап колледж мақтанышы «Дәнекерлеу ісі» мамандығының 4 курс студенті Тұрғанқұл Бексұлтанмен сұхбаттасып, жас өреннің пікірін тыңдады.
WorldSkills Lyon - 2024 әлемдік кәсіби шеберлік чемпионатының жүлдегері әрі медальон иегері Попов Михаил да осы фестивальде өз өнерін көрсетті.
Болашақ мамандардың, жұмыс берушілер мен кәсіптік-техникалық ұйымдардың басын қосқан үлкен алаңда колледж бен ірі компаниялар арасында келісімшарттар мен меморандумдар жасалып жатыр.
Президент кез келген еңбек қадірлі, құрметке лайық екеніне назар аударып, жастарды аянбай еңбек етуге шақырды.