Биылғы жылдың қаңтар-шілде айларында елде фермерлер 2,6 миллиард жұмыртқа алды, бұл өткен жылдың сәйкес кезеңімен салыстырғанда 10,3%-ға аз, деп хабарлайды aqshamnews.kz.
Еліміз бойынша тізім басында Ақмола облысы тұр. Бұл өңірде - 404,6 миллион жұмыртқа өндірілді. Өткен жылмен салыстырғанда 5,3%-ға аз. Жұмыртқа өндіру жағынан алғашқы үштікке Қарағанды облысы (375,4 миллион жұмыртқа, минус 5,4%) және Солтүстік Қазақстан облысы (350,9 миллион жұмыртқа, минус 14,5%) кіреді.
Алынған жұмыртқалардың басым бөлігі қоғамдық тамақтану орындары мен сауда желілері арқылы сатылған - 1,9 миллиард жұмыртқа. Өңдеу кәсіпорындары арқылы 2,7 миллион жұмыртқа, ал 10,9 миллион жұмыртқа экспортқа жөнелтілген. Өндірістік тұтынуға 112,9 миллион жұмыртқа, ал тағамдық мақсатта өңдеуге 7 миллион жұмыртқа жіберілген.