Мешіт қызметкерлер мен келушілердің статусы Ashyq-та «қауіпсіз» болуы тиіс.
Қазақстанда карантин жеңілдетіледі, соған байланысты жұма намазын мешіт ішінде оқуға рұқсат беріліп отыр, деп хабарлайды Almaty-akshamy.kz Almaty.tv сілтеме жасап.
Вице-премьер Ералы Тоғжановтың төрағалығымен өткен COVID-19 таралуына жол бермеу жөніндегі ведомствоаралық комиссия осындай шешім қабылдады.
27 қыркүйектен бастап жұма намаз жабық орын-жайларда оқылады. Алайда қызметкерлер мен келушілердің статусы Ashyq-та «қауіпсіз» болуы тиіс.
«Жасыл» аймақта тұрған өңірлерде мешіт ішінің адамдарға толуы 50 пайыздан, «сары» аймақта 30%-дан, «қызыл» аймақта 20%-дан аспауы керек.
Қазіргі уақытқа дейін жұма намазы мешіт ауласында оқылып келді.