Биыл мамыр айында 2024 Алтын Орданың негізін қалаушы Жошы хан туралы сериалдың өндіріске шығатыны туралы ақпарат жарияланған еді.
Аталған жобаға аудитория ғана емес, халықаралық дистрибьюторлар да асқан қызығушылық танытып отыр, деп хабарлайды aqshamnews.kz
Жақында Астанада Karga Seven Pictures өкілдері қатысқан есеп беру кездесуі өтті. Кездесуге бас продюсер әрі режиссер Эмре Сахин, продюсер Фикрет Маноглу және қоюшы-суретші Зеки Сарайоглу қатысты. Бұл туралы Ерлан Қарин өзінің Instagram парақшасында хабарлады.
Кездесу барысында жобаны жүзеге асыру мен сценарийді аяқтау мәселелері талқыланды. Сценарийді жазуға «Викинги» жобасымен танымал Джейсон Поллард, сондай-ақ «Король вне закона» сериалының авторы Клэр Мурсом және тарихшылар мен халықаралық сарапшылар қатысты. Продюсерлер алдын ала дайындық жұмыстарының аяқталғанын мәлімдеді: Жошы ұлысы мен Алтын Орданың тарихы зерттелді, көшпелі халықтардың мәдени құндылықтары мен тұрмысы зерделенді, түсірілім орындарын іздеу (локация скаутинг) жүргізілді және кастинг процесі басталды. Олар жобаның аудитория, фокус-топтар мен халықаралық дистрибьюторлар тарапынан үлкен қызығушылық тудырып отырғанын атап өтті.
Жошы хан туралы фильмді экранға шығармақ бұл команда Netflix платформасындағы «Восход Османской империи», «История Моисея» және басқа да танымал жобаларды жасаған.