Президентіміз биылғы Жолдауда халықтың көкейінде жүрген өзекті мәселелерді көтерді. Қайсысын алсақ та, халықтың көңілінен шығатын дүниелер айтылды.
Мәселен, жерді пайдалану, кезінде заңсыз өтіп кеткен жерлерді қайтару мәселесін күн тәртібіне қойды. Он миллион гектар жер қазір айналымға кірмей жатыр. Ал енді оны бір күнде, бір жылда шешіп тастай алмаймыз. Осындай міндеттер тұрғандықтан, біз Жолдауды мезетті құжат деп емес, стратегиялық құжат деп қабылдаймыз.
Енді осы құжатты жүзеге асыратын бір ғана механизм бар. Ол адамдардың ынта жігері, адамдардың қызығушылығы, адамдардың осыған деген адалдығы. Басқа жол жоқ. Қанша жерден құжат қабылданса да, адамдар қабылдамай ол жүрмейді.