Келесі жылға дейін 220 станса орнату жоспарланған.
Жолдарда көліктердегі жүкті өлшеп отыратын стансалар көбейеді, деп хабарлайды aqshamnews.kz
Үкіметтің таратқан мәліметіне сәйкес, елімізде 45 есептеуіш нысан бар. Біреуі Астанада, біреуі Қостанай облысында және 12-і Үлкен Алматы айналма жолдарында орналасқан.
«Олар тәулік бойы қызмет істеп, жүк көліктерінің салмағы мен өлшемін үздіксіз бақылап отырады. Соның арқасында көліктегі жүктің шамадан тыс артық болып кетуінің алдын алуға мүмкіндік бар», – делінген хабарламада.
Қазір елімізде жүк тасымалдайтын 450 мыңнан аса жүк көлігі тіркелген. Оның иелері 25 тоннадан артық материалдарды тасымалдамауы тиіс.