Бұл туралы Алматы қаласының Өңірлік коммуникациялар қызметі алаңында айтылды, деп хабарлайды Аlmaty-akshamy.kz.
Алматы - еліміздегі Жол активтерінің сапасы ұлттық орталығы жұмысын бастаған алғашқы қалалардың бірі. «Жол активтерінің сапасы ұлттық орталығы РМК Алматы филиалының директоры Мәулен Алипов 2022 жылы кәсіпорын филиалы Алматы қаласы қалалық мобилділік басқармасымен жасалған шарттар шеңберінде 473 тексерісті жүзеге асырды. Оның нәтижесінде 356 бұзушылық анықталды, жол-құрылыс материалдарының 1562 сынамасы іріктелді және сыналды, оның 795-і немесе 51% - ы талаптарға сәйкес келмейді.
Оның ішінде инженерлік коммуникациялар жүргізілгеннен кейін асфальтбетон жабынын қалпына келтіру объектілері бойынша 40 тексеріс жүзеге асырылды, жол-құрылыс материалдарының 109 сынамасы іріктеліп, сыналды. Оның ішінде 39 сынама талаптарға сай келмейді.
«Біз қала құрылысын бақылау басқармаларына нұсқамалар жібердік, олар бойынша 11,18 млн.теңге сомасына айыппұл санкциялары түрінде шаралар қабылданды. 1 мердігерлік ұйымның лицензиясынан айырды, сондай-ақ техникалық қадағалаудың 2 инженерінің аттестаттары тоқтатылды», - деді М.Алипов.
Материалдар бойынша инженер Ескендір Садығұлов 2021 жылдың 1 шілдесінен бастап "Қаздорлаб" бағдарламалық өнімінің планшеті мен мобильді нұсқасын енгізу арқылы филиал мамандары жүргізетін зертханалық сынақтардың автоматтандырылған сараптамасы бойынша функциялар енгізілгенін хабарлады.
«Планшетке Face ID көмегімен бекітілген сарапшы ғана қол жеткізе алады, деректерді серверге беру инженердің орналасқан жерін көрсете отырып, онлайн режимінде жүзеге асырылады, бұл сараптама нәтижелеріне түзетулер енгізу мүмкіндігін болдырмайды», - деді Е.Садығұлов.
Жұмыстың қадағалануы мен ашықтығы, оның ішінде объектіге геолокациялық байланыстыру, фото-бейне тіркеу және сараптама процесіне қатысушылардың барлығының электрондық-цифрлық қолтаңбасымен бекіту арқылы қамтамасыз етілді.