Қазақстандық теннисші Жібек Қуламбаева латвиялық әріптесі Дарья Семинистамен бірге Германияның Висбаден қаласында өткен ITF W100 турнирінің жұптық разрядында жеңімпаз атанды. Бұл туралы Aqshamnews.kz сайты хабарлайды.
Финалда олар чехиялық Джесика Малечкова мен Мириам Скодан басым түсіп, 4:6, 6:3, 11:9 есебімен жеңіске жетті. Бұл – Жібек үшін қатарынан екінші ITF W100 турниріндегі жеңіс. Бұған дейін сәуір айының соңында ол италиялық Фосса Уэргомен бірге Мадридтегі жарыста да топ жарған болатын.
Қазіргі уақытта Қуламбаеваның еншісінде ITF аясындағы 40 чемпиондық титул бар: 35 жұптық, 5 жекелей.