Қазақстандық Жібек Құламбаева нидерландтық Ясмин Гимбремен жұптасып өткен турнирде жеңіске жетті. Ал Григорий Ломакин ресейлік Павел Вербинмен бірге жеңіске жетті, деп хабарлайды аlmaty-akshamy.kz.
Тунисте өткен ITF W35 турнирінің финалында Жібек Құламбаева мен Ясмин Гимбре (Нидерланд) Кайла Макфи (Аустралия)/Ксения Зайцева (Ресей) жұбынан басым түсіп, 6:4, 7:5 есебімен ұтты.
Бұл - Жібектің биылғы маусымдағы үшінші жүлдесі.
Шымкентте екінші ITF M15 турнирі өтті. Жұптық сында Қазақстан-Ресей жұбы Григорий Ломакин/Павел Вербин жеңімпаз атанды.
Олар финалда үндістандық Эс Де Пражвал/Сай Картек Реддиді 7:6, 6:3 есебімен ұтты. Ломакин мен Вербин бір апта бұрын Шымкентте өткен дәл осындай ITF турнирде жеңіске жеткен.