Массачусетс технология институтының экономика профессоры Дарон Ажемоглудың пікірі осындай.
«Билік пен прогресс: біздің технология мен өркендеу үшін мыңжылдық күресіміз» атты кітаптың қосалқы авторы Дарон Ажемоглу Жасанды интеллект туралы мақала жариялады, деп хабарлайды Almaty-akshamy.kz
Профессор ЖИ-ге тым үлкен үміт артылып отырғанын айтып, беделді қаржы институттары сарапшыларының ЖИ-дің әлемдік экономикаға ықпалы өскені туралы болжамын жоққа шығарады.
Ажемоглудың пікірінше, ЖИ белгілі бір жұмыстарды автоматтандыруға қатты ықпал етеді, кейбір кәсіптердің өнімділігін көтереді, бірақ ЖІӨ-ге (жалпы ішкі өнім) аса әсер ете қоймайды.
«Егер ЖИ ғылыми жаңалықтарды түбегейлі күшейтсе, жаңа өнімдерді көбейтсе ғана экономикалық өсімде айтарлықтай серпіліс болар еді, бірақ мұндай өзгеріс жақын уақытта байқалмайды» дейді профессор.